Vlora Çitaku nga Partia Demokratike të Kosovës (PDK) është shprehur thellësisht mirënjohëse ndaj krejt atyre qytetarëve që kanë votuar këtë parti, përcjell InLajmi.
Madje kjo fitore, gjegjësisht fitorja në 9 komuna, sipas Çitakut, është fitore jo vetëm e partisë por edhe atyre qytetarëve që kanë votuar.
E kjo fitore natyrisht se nuk do të kishte ndodhur, tha ajo pa punën e madhe të krejt atyre që kanë punuar në parti, në krye me Memli Krasniqin, të parin e tyre.
Postimi i plotë i saj:
Thellësisht mirënjohëse ndaj të gjithë qytetarëve pa dallim, që në këto zgjedhje besuan në projektin politik të PDK-së. Fitorja e PDK-së në 9 komuna të Republikës së Kosovës që e nxjerr PDK-në fituese të këtyre zgjedhjeve, është fitore e tyre dhe për ta.
Kjo perspektivë dhe ky vullnet qytetar për qeverisje kompetente, transparente e transformuese, nuk do të arrihej pa angazhimin e madh të aktivistëve dhe strukturave të PDK-së, si dhe lidershipit të Kryetarit Memli Krasniqi, i cili ka bërë bashkë kandidatët, projektet dhe përkushtimin brenda një formule të vetme, që synon përmirësimin e jetës së qytetarëve dhe shërbimin ekskluzivisht në dobi të tyre.
Të gjithë kryetarëve të sapo zgjedhur në komunat e Kosovës, iu dëshiroj punë të mbarë dhe qeverisje në interes të qytetarëve që i kanë mandatuar.
/InLajmi/
