Profesori universitar Blerim Latifi ka komentuar rezultatin zgjedhor të balotazhit. Thotë se VV duhet t’i kërkojë shkaqet e brendshme që e quan VV-në në humbjen e zgjedhjeve.
“Sot Kurti e dha një shpjegim përgjithësisht për atë se çfarë ka ndodhur. Ai e pranoi që defekte brenda organizimit partiak të VV-së”, tha Latifi.
“Ai e përmendi një fakt si ‘bashkimi i të gjithë të tjerëve’ kundër VV-së në këto zgjedhje. Konsideroj se Kurti duhet të jetë i vetëdijshëm se këtë “të gjithëve kundër tij” e ka ushqyer ky. Kurti një kohë të gjatë e ka përdorur dhe e ka ushqyer skemën ne dhe ata. Është një skemë të cilën ai e ka ushqyer dhe në një situatë të caktuar ka përfituar shumë nga kjo skemë sepse ka korrur një rezultat të paimagjinueshëm nga të gjithë ne në zgjedhjet e 14 shkurtit. Por disa muaj pas po i kthehet në të kundërtën e asaj”, shpjegon Latifi në T7
“Do të ishte mirë që një organizatë serioze politike para se me i kërkuar shkaqet e jashtme për dështimet e saj duhet t’i kërkojë shkaqet e brendshme. Një organizatë serioze politike nuk i ndërton teori të konspiracionit për të shpjeguar dështimet e saj”, tha ai.
