Lëkundjet sizmike vazhdojnë në Shqipëri
Pas tërmetit 4.1 të shkallës Rihter që u regjistrua pasditen e djeshme rreth orës 16:08 minuta me epiqendër në Bulqizë, goditje janë regjistruar edhe ditën e sotme.
Në mesnatë ka pasur një tjetër lëkundje po në Bulqizë. Fatmirësisht goditja ka qenë me magnituidë të vogël 2.5 me thellësi 8 km.
Në mëngjes në orën 07:25 minuta është regjistruar një tjetër tërmet në fshatin Kurbnesh në Lezhë me magnitudë 2.3 të shkallës Rihter dhe thellësi 19 km, përcjell Abc news.
Nuk raportohet për dëme materiale.
