Zëvendësministri i Arsimit, Shkencës, Teknologjisë dhe Inovacionit, Dukagjin Pupovci, ka njoftuar se në shkollat që janë paraparë të jenë qendra votimi, mësimi në ditën e hënë të mbahet sipas skenarit C, përcjell InLajmi.
Pupovci tha se ky vendim është marrë për shkak se duhet të bëhet ajrosja e shkollave.
“Procesi mësimor në të gjitha shkolla është duke u zhvilluar në mënyrë normale, me skenarin e rikthimit. Nuk kemi pasur asnjë rast që ndonjë shkollë për shkak të infeksionit të kalojë në skenarët që janë përgatitur enkas për situatën me COVID-19. Në shkollat ku do të bëhet votimi, të hënën mësimi mbahet me skenarin C, nga distanca. Për shkak se duhet të bëhet ajrosja e shkollave”,deklaroi ai gjatë një konference për media./InLajmi/
