Kandidati i LDK-së për kryetar të Podujevës, Ekrem Hyseni, ka mbajtur tubim elektoral përmbyllës me banorët e lagjes “Brecalitë” në Podujevë para të cilëve tha se është i sigurt se do ta sjellë ndryshimin më 14 nëntor.
“Jam për të satën herë në këtë lagje për ta përjetuar mikpritjen e kësaj lagjeje që është shpirti i qytetit dhe bashkë jam shumë i sigurt që do ta bëjmë ndryshimin. Këtu pashë edhe bashkatdhetarë nga diaspora të cilët i falënderoj për besimin. Një fushatë e gjatë, e kemi filluar parafushatën rreth 4 muaj e gjysmë më herët, në raundin e parë dolëm me një rezultat që pak kush e ka pritur, por unë kam qenë i bindur se iu kam pasur juve”, tha Hyseni.
Veç kësaj ai tha se nga e hëna do të nisin të implementojnë programin, siç tha ai zhvillimor, për rini, punësim, shëndetësi dhe bujqësi, përcjell KlanKosova
“Kemi bërë fushatë pozitive pa u marrë me të tjerët, por vetëm me programin tonë, me ekipin tonë dhe qytetarët. Jam tepër i kënaqur për mënyrën se si është zhvilluar. Tash ku jemi këtu jemi në një nga lagjet më të mëdha të qytetit ku gjetëm përkrahje dhe entuziazëm. Unë pres rezultat pozitiv dhe nga kjo mbështetje e madhe dhe ndihem edhe borxh për të implementuar programin tonë i cili është një program zhvillimor për rini, punësim, ekonominë, bujqësinë, shëndetësi, pra të gjitha në fokus”, tha tutje ai..
