Zëvendëskryemistri i parë Besnik Bilsimi ka raportuar në mbledhjen e Komision për Integrim Evropian, raporton InLajmi.
Mledhja ka përfunduar pasi që nuk ka pasur kuorumi, ku deputetja e PDK-së, Blerta Deliu – Kodra ka lëshuar mbledhjen.
Krejt kjo ka ndodhur kur deputetja Deliu-Kodra ka thënë se po i cenohet fjala nga deputeti i VV-së, Driton Hyseni, ku e njëjta ka përmenduar Ligjin e Pagave dhe punën e Gjykatës Kushtuese.
Pas kësaj deputeti Hyseni ka thënë se këto nuk janë tema për të cilat është ftuar të raportojë Bislimi.
Madje Deliu-Kodra i tha Hyseni se ai nuk mund t’i tregojë se çka duhet të flasë e çka jo në Komision.
“Ju jeni për të dëshmuar çfarë bëni ju edhe për ligjin e pagave. E përmendët Gjykatën Kushtetuese ju thatë iu ka shërbyer individëve. Harruat të thoni që gjykata është e thirrur të mbrojë ligjshmërinë. Nuk je ti ketu për me më tregu se çka flas” i tha deputetit të VV Driton Hysenit, deputetja Deliu-Kodra.
Gjatë komisionit Bislimi fillimisht ka folur për takimin e radhës që do të mbahet në Bruksel javën e ardhshme.
“Presim në fillim të vitit të vijë në Kuvend, Ligji për Paga. Është synim i Qeverisë reforma zgjedhore të shtyhet përpara. Vetëvendosje e ka mision që edhe diasporës t’ia lehtësoj votimin”.
“Nuk është bërë politizimi nga struktura jashtë institucioneve dhe është mirë që po ia jepni Qeverisë për t’i korrigjuar gabimet që janë bërë nga qeveritë paraprake. Aksioni ka të bëjë me luftimin e kontrabandës sepse është shumëfish më e madh enë veri dhe për implikimet që ka për integrim të kësaj pjese të Kosovës”.
Tutje Bislimi para deputetëve ka theksuar se vendet mosnjohëse skeptike janë dakord për vizat.
“Tash sa i përket liberalizimit të vizave ëhstë se të gjitha vendet mos njohëse janë dakorduar me liberalizmin si Greqia. Qëllim të njëjtë ka edhe Sllovakia. Fokusi ynë është tek vendet skeptike. Bashkëpunimi i ministrisë së Punëve të Brendshme është më i fuqishëm me Francën”. /InLajmi/
