Ministri i Financave, Hekuran Murati ka njoftuar se është ekzekutuar pagesa për 2.230 lehona përfituese të cilat kanë aplikuar gjatë muajit Tetor, përcjell InLajmi.
Gjithashtu Hekurani ka bërë të ditur se të Enjten do të ekzekutohet edhe pagesa e 2-të pët lehonat që kanë aplikuar më herët, e që tash janë në sistem.
Murati tha se ka pasu fluks aplikimesh , me mbi 90 mijë pagesa të procesuara gjithsej, pa llogaritur masat tjera të pakos.
Postimi i plotë i tij:
Sot është ekzekutuar pagesa për 2,230 lehona përfituese që kanë aplikuar gjatë muajit tetor.
Ndërsa nesër do të ekzekutohet pagesa e dytë edhe për lehonat që kanë aplikuar më herët, dhe tashmë janë në sistem.
Gjithsej, mbi 4,400 përfituese.
Njëkohësisht, është ekzekutuar edhe pagesa retroaktive për shtesat për fëmijë, për 809 përfituese që muajin e kaluar i kishin llogaritë bankare jo-valide.
Këtë muaj kemi pasur fluks të madh aplikimesh dhe na ka marrë më shumë kohë validimi e procesimi i pagesave – mbi 90 mijë pagesa të procesuara gjithsej, pa llogaritur masat tjera të pakos.
Andaj shpresojmë në mirëkuptim për këtë vonesë, të cilën shpresojmë ta evitojmë muajve në vijim./InLajmi/
