Kreui LDK-së, Lumir Abdixhiku ka qëndruar në Gjilan, ku është pritur nga kryetari aktual i Gjilanit, Lutfi Haziri, përcjell InLajmi.
Abdixhiku ka shkruar se Haziri e di çfarë i duhet Gjilanit, dhe lidhjes të përbashkët politike të tyre.
Më pas Abdixhiku ka shkruar se fitorja e Lutfi Hazirit, nuk është vetëm fitore individuale e tij, por fitore për një ide, për të djathtën, për shtetësinë, për stabilitetin, për zhvillimin e mbi të gjitha për Lidhjen Demokratike të Kosovës.
Postimi i plotë i tij:
Në Gjilan me Lutën.
Gjatë rrugëtimit tim politik në LDK, kam gjetur shumë miq e bashkëpunëtorë. Njerëz të rrekur në politikë, që e dinë fort mirë se çka i duhet këtij vendi për të ecur përpara. Njëri ndër ta është Kryetari i Gjilanit, nënkryetari ynë, Lutë Haziri. Ai e di saktë cfarë i duhet Gjilanit, mbi të gjitha e ka të qartë se cfarë i duhet Lidhjes sonë të përbashkët politike.
Në këto anë të Anamoravës, LDK ka ditur t’i qëndrojë përballë stuhive të shumta kundër saj. Do t’i bëjë ballë edhe kësaj radhe. Dhe në këtë përballje të nëntorit, të dashur gjilanas, ju qytetarë të ndershëm, punëtorë, prijëtare të ndryshimeve të mëdha, dua ta kuptoni një gjë:
Fitorja e Lutfi Haziri, nuk është fitore individuale e tij. Është fitore për një koncept, është fitore për një ide, është fitore për të djathtën, për shtetësinë, për stabilitetin, për zhvillimin, për Lidhjen Demokratike të Kosovës. Mbështetja për Lutën është mbështetje për LDK-në, për mua e për secilin bashkëpunëtorë tonin gjithandej në Kosovë./InLajmi/
