Disa njerëz janë shpëtuar dhe disa të tjerë kanë mbetur nën rrënoja pasi një ndërtesë tregtare u shemb sot në qytetin turk të Malatya.
Zyrtarët lokalë në këtë qytet raportuan se 13 persona janë nxjerrë nga rrënojat deri të martën në mbrëmje, derisa u njoftua se disa të tjerë ishin ende të bllokuar.
Guvernatori i provincës së Malatya, Aydın Baruş u tha gazetarëve se rreth 20 persona ishin në ndërtesë kur ajo u shemb
“Zyrtarët e kërkimit dhe shpëtimit deklaruan se dëgjuan një zë nga një person, derisa po përpiqen që t’i arrijnë ata. Vlerësojmë se nuk ka shumë njerëz nën rrënoja, por vazhdojmë të punojmë me përkushtim”, tha Baruş në një deklaratë.
Agjencia qeveritare e Menaxhimit të Fatkeqësive (AFAD) tha se 13 persona janë dërguar në spital me lëndime.
“Ekipet e kërkimit dhe shpëtimit nga provincat u dërguan në rajon për të mbështetur aktivitetet,” tha AFAD në Twitter.
Ndërtesa 2 katëshe ndodhej në një rrugë të frekuentuar në Malatya, një qytet me 450 mijë banorë që ndodhet rreth 500 kilometra në lindje të Ankarasë, shkruan Euronews, përcjell Klankosova.tv
Ndryshe,nuk dihen ende arsyet e shembjes, por lidhur me këtë ka nisur hetimi.
