Kreu i PDK-së, Memli Krasniqi ka qëndruar në komunën e Vushtrrisë, ku sëbashku me kandidatin për kryetar të kësaj komune, Ferit Idrizi kanë vizituar disa biznese, përcjell InLajmi.
Ai tha se qytetarët e Vushtrrisë po e përkrahin vizionin e Ferit Idrizit, sepse prioriteti i tij është zhvillimi ekonomik i kësaj komune.
‘’Qytetarët e Vushtrrisë janë më se të vendosur që me 14 nëntor të sjellin ndryshimin në komunën e tyre, për t’i dhënë fund keqmenaxhimit katër vjeçar të saj dhe qeverisjes degraduese. Ata i kanë tejkaluar dallimet partiake dhe po e mbështesin Ferit Idrizin, për ta nxjerrë Vushtrrinë në tjetër nivel nga 14 nëntori. Sepse fokusi i Ferit Idrizit si kryetar është bashkëqeverisja me qytetarët, ndalja e korrupsionit, si dhe krijimi i vendeve të punës, në veçanti për gratë dhe të rinjtë’’, tha tutje Kurti.
Postimi i plotë i tij:
Në Vushtrri, me kryetarin në ardhje, Ferit Idrizin, vizituam disa biznese, të cilat me mbështetjen e qeverisjes së re do të kenë mundësi të rriten e të krijojnë edhe më shumë vende të reja pune për të rritur prodhimin dhe eksportet.
Qytetarët e Vushtrrisë, pa dallime politike, po e përkrahin vizionin e Ferit Idrizit, sepse ai ka prioritet zhvillimin ekonomik, i cili parasheh krijimin e Zonës Ekonomike, krijimin e parakushteve dhe subvencionimin e bizneseve prodhuese, ofrimin e parcelave në shfrytëzim për veprimtaritë biznesore si dhe krijimin e lehtësirave administrative për investitorët e jashtëm.
Qytetarët e Vushtrrisë janë më se të vendosur që me 14 nëntor të sjellin ndryshimin në komunën e tyre, për t’i dhënë fund keqmenaxhimit katër vjeçar të saj dhe qeverisjes degraduese. Ata i kanë tejkaluar dallimet partiake dhe po e mbështesin Ferit Idrizin, për ta nxjerrë Vushtrrinë në tjetër nivel nga 14 nëntori. Sepse fokusi i Ferit Idrizit si kryetar është bashkëqeverisja me qytetarët, ndalja e korrupsionit, si dhe krijimi i vendeve të punës, në veçanti për gratë dhe të rinjtë.
#BashkePerVushtrrine
#Voto177/InLajmi/
