Kandidati për kryetar të Prishtinës nga radhët e LDK-së, Përparim Rama, ka prezantuar projektin për lagjen Dardania, përcjell InLajmi.
Rama tha se krahas këtij projekti do ta mundësojmë nënkalimin për vetura si dhe do të krijojmë një park urba që aktualisht është rrugë kryesore.
“Do të mundësojmë nënkalimin për vetura dhe krijojmë parkun urban me sipërfaqe ku aktualisht është rrugë kryesore”,ka thënë Rama.
“E gjithë sipërfaqja përmbi nënkalimin për vetura do të transformohet në park urban, me mundësi të lëvizjes vetëm për këmbësorë, për persona me aftësi të kufizuara, për biçikleta dhe trotinet, me çka do të lehtësohet dhe shkurtohet qasja e banorëve të Kalabrisë me Dardaninë dhe Qendrën”.
Më pas Rama tha se me parkingun e madh të lagjes Dardania, do të lidhet rruga nëntokësore e veturave.
“Rruga nëntokësore e veturave do të lidhet edhe me parkingun e madh nëntokësorë të lagjes Dardania, të cilin do ta pozicionojmë afër bashkësisë lokale, ku aktualisht ndodhet parkingu mbitokësorë”.
Rama tha se kostoja e gjithë projektit do të kushtojë 15 milionë euro.
“Kjo ndërhyrje na jep mundësinë që të zhvillojmë edhe një shirit të zonës komerciale me dyqane lokale, çka do të mundësojë që projektin ta financojmë me investime të partneritetit publiko-privat, kohëzgjatja e projektit do të jetë dy vite dhe kostoja e gjithë projektit do të kushtojë 15 milionë euro”.
“Do të adresojmë edhe problemin e grumbullimit të mbeturinave, të cilat përveç se bartin potencialin për sëmundje, po ashtu i tërheqin qentë endacak, sikurse në gjithë qytetin qentë endacak do të trajtohen dhe strehohen”./InLajmi/
