Administrata Tatimore e Kosovës ka bërë të ditur se në periudhen Janar-Tetor 2021 janë 512.5 milion euro të hyra, përcjell InLajmi.
Nga ATK-ja kanë bërë krahasimin me periudhen e njëjt të vitit të kaluar, ku në këtë vit ka pasur 122.1 më shumë dhe 40.2 me shumë se plani.
Nga ATK-ja kanë thënë se deri në fund të vitit presin te të tejkaloj totalin e projeksionin për 2021.
Ata gjithashtu kanë falënderuar të gjithë tatimpaguesit të cilët kanë kryer obligimet e tyre tatimore.
Postimi i plotë i ATK-së:
512.5 milion euro të hyra nga ATK
122.1 më shumë se viti 2020, 40.2 me shumë se plani
Janë 512.5 milion euro tatime të mbledhura për periudhën janar-tetor 2021, të hyra këto të cilat tejkalojnë projeksionet e planifikuara për këtë periudhë kalendarike, duke shënuar rritje për 122.1 milion euro apo 31.3 % në krahasim me periudhën e njëjtë të vitit të kaluar.
Ndërsa, nëse i referohemi planit kemi rritje të inkasimit për 40.2 milion euro apo 8.5%. Sipas këtij trendi ATK pret që deri në fund të këtij viti të tejkaloj totalin e projeksionin për 2021. Indikatorët të cilët çdoherë janë duke dhënë rezultate në realizimin e objektivave, janë shërbimet e mira ndaj tatimpaguesve, të cilat afro 100% janë digjitalizuar, po ashtu trajtimi i barbarët dhe profesional janë vlerë e shtuar e këtij reflektimi të performancës.
Sigurisht, ATK falënderon gjithë tatimpaguesit të cilët kanë kryer obligimet e tyre tatimore, si dhe inkurajojmë gjithë pjesën tjetër të tatimpaguesve, të cilët sipas analizave të bëra nuk kanë deklaruar saktë pjesën që ju takon, t’i përgjigjen thirrjeve të ATK-së, me qëllimin e vetëm që mos të bëhen objekt i masave ndëshkimore. /InLajmi/
