Gjykata Themelore në Ferizaj, ka bërë të ditur se është caktuar masën e arrestit shtëpiak në kohëzgjatje prej një muaji të pandehurës E.H. nga Ferizaj, për shkak të dyshimit të bazuar se ka kryer veprën penale “vrasje në tentativë”, përcjell InLajmi.
E pandehura E.H. ka tentuar që ta privoj nga jeta të dëmtuarin P.A. në atë mënyrë që pas një mosmarrëveshje mes tyre, nxjerr një thikë, të cilën paraprakisht e kishte marrë me vete nga shtëpia e saj.
Viktima pas këtij lëndimi ka kërkuar ndihmë mjekësore në Qendrën Emergjente në Ferizaj.
”Ekziston dyshimi i bazuar mirë, se e pandehura më 5 nëntor 2021, në Ferizaj, me dashje dhe përgatitje paraprake, ka tentuar që ta privoj nga jeta të dëmtuarin P.A. në atë mënyrë që pas një mosmarrëveshje mes tyre, nxjerr një thikë, të cilën paraprakisht e kishte marr me vete nga shtëpia e saj dhe me të njëjtën e godet të dëmtuarin një herë në pjesën e abdomenit, duke i shkaktuar lëndime trupore, për çka i njëjti më pas detyrohet të kërkojë ndihmën mjekësore në Qendrën Emergjente në Ferizaj”,njofton gjykata./InLajmi/
