Kryetari i Kuvendit të Kosovës Glauk Konjufca, tha se pjesëmarrja në Samitin e Demokracia që kryesohet nga presidenti i Shteteve të Bashkuara të Amerikës Joe Biden, është shumë e rëndësishme, përcjell InLajmi.
Konjufca tha për televizionin Besa se do të kishte qenë e mirëseardhur për Kosovën një ftesë, por sipas tij në vitin e ardhshëm do të mbahet edhe një konferencë tjetër, dhe shpreson që do Kosova do të marrë atë ftesë.
“Ato janë konferenca të rëndësishme, të cilat Shtetet e Bashkuara të Amerikës vlerësojnë se kush është e rëndësishme të marrë pjesë ose jo. Për Kosovën do të kishte qenë e mirëseardhur po të kishte qenë pjesë e kësaj konference. Kjo po mbahet për herë të parë, por dëgjova që pas një viti do të mbahet tjetra, sepse kjo parashihej në dy faza”.
“Meqenëse nuk u ftuam në këtë të parën, të shpresojmë në atë të dytën që do të mbahet sot një vit, me sa e lexova projektin. Të jemi të ftuar do të ishte shumë e rëndësishme për Republikën e Kosovës”, tha ai./InLajmi/
