Aleanca për Ardhmërinë e Kosovës, dega në Fushë Kosovë, ka njoftuar se në raundin e dytë të zgjedhjeve komunale për kryetar të komunës së Fushë Kosovës, do të mbështesin kandidatin e LDK-së, Burim Berisha, përcjell InLajmi.
Në njoftimin e tyre thuhet se çdo votë e antarëve të AAK-së në Fushë Kosovë, nga sot konfirmon rreshtim të vullnetshëm të elektoratit të saj për mbështetje të plotë të Z. Burim Berisha.
Postimi i plotë nga AAK në Fushë Kosovë:
Pas konsultimit me të gjitha strukturat dhe antarësinë e AAK-së në Fushë Kosovë kemi marrë vendim që në raundin e dytë të zgjedhjeve lokale për Kryetar të Komunës së Fushë Kosovës të mbështesim kandidatin e LDK-së Burim Berishen.
Vota e çdo antari të AAK-së në Fushë Kosovë, nga sot konfirmon rreshtim të vullnetshëm të elektoratit të saj për mbështetje të plotë të Z. Burim Berisha, i cili me datë 14 Nëntor 2021 përmes verdiktit të popullit do të jetë Kryetar i Komunës së Fushë Kosovës.
Na priftë e mbara!./InLajmi/
