Zëvendëskryeministri, Besnik Bislimi në takimin e 7 të Komisionit Parlamentar për Stabilizim-Asociim mes BE-së dhe Kosovës ka thënë se programi për reforma ekonomike do të miratohet shumë shpejt, raporton InLajmi.
Bislimi tha se këto reforma kryesisht fokusohen në rritje ekonomike të sektorit privat dhe forcimin e sistemit arsimor.
Tutje ai ka falënderuar BE-në dhe SHBA-në për ndihmën në luftimin e pandemisë COVID-19.
“Pas miratimit të planit të veprimit në fillim të tetorit kemi zbatuar mbi 25 veprime reformash. Qeveria ka miratuar 1/4 e projektligjeve të MSA. Programi për reforma ekonomike do të miratohet së shpejti dhe fokusohet në rritjen ekonomike të sektorit privat në përmasimin e mjedisit, dhe forcimin e sistemit arsimor. Jemi në proces të hartimit të strategjisë 2030. Kemi bërë përparim në luftimin e pandemisë dhe për këtë falënderojmë BE dhe ShBA. Me rishikimin e buxhetit po kujdesemi për të rritur shpenzimet për shëndetësi. 420 milion euro do të jenë në ekonomi. Këtë vit Kosova është duke shënuar rritje ekonomike. Buxheti është më i lartë dhe me 2.7 miliardë euro. Kjo rritje do të prek çdo qytetarë dhe parasheh ndarje buxhetore për qytetarë. Kemi pasur zgjedhje nacionale dhe zgjedhje lokale ndërsa do të kemi dhe zgjedhje për balotazh. Të dyja këto zgjedhke kanë qenë të lira. Më e rëndësishmja kanë tregtar se Kosovë është demokraci. Brenda këtij viti do të kemi dy ligje kornizë. Reformat në fushën e sundimit të ligjit përfshin ligjin për gjykatën komercialë, strategjinë e sundimet të ligjit, koncept dokumentin për vetting. Për këtë kohë kemi bërë përparime të dukshme sa i përket Stabilizim Asociimit”, ka thënë ai./InLajmi/
