Ministri i Mbrojtjes, Armend Mehaj ka bërë të ditur se pilotët e FSK-së janë duke vazhduar trajnime për rifreskimin e shkathtësive teorike dhe praktike, përcjell InLajmi.
Mehaj ka shkruar se ushtrimet dhe praktika e tyre janë duke u mbajtur në Qendrën e Aviacionit Tokësor në Turqi.
Ministri i Mbrojtjes ka shkruar se në kohën kur janë në fazën inicuese të ngritjes së kapaciteteve ajrore, ky projekt, është shumë i rëndësishëm për rigjenerim të shkathtësive në MEDEVAC dhe reagimit në kriza dhe emergjenca tjera nga ajri.
Postimi i plotë i tij:
Ngritja e kapaciteteve ajrore e institucioneve të sigurisë së Republikës së Kosovës, nevojë për realizim të suksesshëm të operacioneve të përbashkëta ndërinstitucionale.
Pilotët e FSK-së vazhdojnë me rifreskimin e shkathtësive teorike dhe praktike në pilotim dhe mirëmbajtje të helikopterëve në Qendrën e Aviacionit Tokësor në Turqi.
Në kohën kur jemi në fazën inicuese të ngritjes së kapaciteteve ajrore, ky projekt, është shumë i rëndësishëm për rigjenerim të shkathtësive në MEDEVAC dhe reagimit në kriza dhe emergjenca tjera nga ajri.
Mirénjohje dhe vlerësim i lartë për mbështetjen nga Akademia Turke e Aviacionit Tokësor.
Forca djema!
Vazhdojmë me sukseset e reja! /InLajmi/
