Imami i xhamisë së Matiqanit, Irfan Islami, ka kritikuar rreptë xhematin e tij, të premten, me rastin e namazit të xhumasë, në lidhje me mosbartjen e maskave.
“Më shumë se 30% nuk keni maska. Kjo është marre”, ka thënë ai pak para faljes së xhumasë. “Çka është puna kështu, çdo xhuma ju kërkojmë të bartni maska kur vini këtu, e ju nuk i merrni ato”.
Imami ka thënë më pas se mosbartja e maskës është një shembull se si një besimtar nuk respekton rregulla të vendosura nga autoritetet përkatëse të vendit.
“Ju qe nuk keni maska, po i rrezikoni tjerët”, ka shtuar Islami, shkruan Reporteri.
Sipas tij, rrezikimi i jetës së tjerëve është i ndaluar me norma të besimit.
