Kryeministri i vendit Albin Kurti, ka marrë pjesë në përmbylljen e aktivitetit për muajin e ndërgjegjësimit kundër kancerit të gjirit, raporton InLajmi.
Kurti tha se kemi punuar në vetëdijësimin e shoqërisë e sidomos në sismetin shëndetësorë që të krijojmë një lidhje të ngushtë me gratë dhe vajzat që të zbulojnë sa më herët sëmundjen e Kancerit në Gji.
‘’Ne kemi punuar në ndërgjegjësimin dhe vetëdijësimin e shoqërisë, sidomos në sistemin shëndetësorë, për një lidhje të ngushtë me gratë dhe vajzat në mënyrë që sa më herët ta zbulojmë këtë sëmundje tinzare dhe ti inkurajojmë të gjitha të sëmurat që bashkërisht t’ia dalim’’.
“Më lejoni të shpreh mirënjohje time të thellë për gratë dhe vajzat e guximshme të cilat u përballën me këtë sëmundje të rëndë”.
Më pas Kurti tha se do të ndërmarrim reforma në sismetin shëndetësor si dhe do të investojmë për parandalim përmes zbulimit të hershëm, që t’i ngrisim kapacitet dhe kushtet tona.
“Me reformat që do ti ndërmarrim në sistemin e shëndetësisë, ne do të investojmë dhe do të angazhohemi që të ketë parandalim përmes zbulimit të hershëm, por edhe të ngrisim kapacitet dhe kushtet, në mënyrë që të ketë sa më shumë të shëruara”.
“Beteja kundër kancerit të gjirit nuk përfundon me fundin e muajit Tetor”./InLajmi/
