Zëdhënësi i KQZ-së Valmir Elezi ka njoftuar se ka filluar procesi i rinumërimit të votave të rreth 300 vendvotimeve të Zgjedhjeve komunale 2021 që u mbajtën më 17 Tetor, raporton InLajmi.
Procesi i rinumërimit është marrë vendim nga KQZ-ja për shkak se ka pasru mospërputhje të votave.
“Ju njoftoj se në Qendrën e Numërimit dhe Rezultateve ka filluar procesi për rinumërimin e rreth 300 vendvotimeve që u takojnë zgjedhjeve lokale për kuvende komunale të cilat u mbajtën më 17 tetor. Komisioni Qendror i Zgjedhjeve ka marrë vendim për rinumërimin e këtyre vendvotimeve pasi ka mospërputhje të votave të subjekteve politike me ato të kandidatëve”.
Elezi gjithashtu ka bërë të ditur se rinumërimi i këtyre votave mun të marrë kohë disa ditë, dhe pas rinumërimit KQZ-ja do të shpalëë rezultatin përfundimtar.
“Në disa raste subjektet politike kanë marrë vota por jo edhe kandidatët dhe anasjelltas. Rinumërimi i këtyre vendvotimeve mund të marrë kohë disa ditë dhe pas përfundimit të tyre nëse nuk do të ketë rinumërim tjetër KQZ-ja do të mund të shpall rezultatin përfundimtar të zgjedhjeve për kuvende komunale” , deklaroi Elezi./InLajmi/
