Presidentja Osmani është pritur nga Ministri i Mbrojtjes në Portugali, Joao Gomes Cravinho dhe forcat e armatosura të këtij vendi, përcjell InLajmi.
Osmani ka falënderuar përzemërsisht pritjen e tyre, duke përmendur se 23 vjet më parë, Portugalia u bë pjesë e intervenimit të NATOS-s në luftën e Kosovës.
‘’Ata u vendosën në anën e duhur të historisë, në anën e të drejtës, në anën e lirisë si një e drejtë universale, në anën e mbrojtjes së një populli të tërë nga shfarosja nga një regjim tiranik’’, ka shkruar ajo.
Postimi i plotë i saj:
Sot e filluam ditën me pritjen nga forcat e armatosura të Portugalisë dhe Ministri i Mbrojtjes z.João Gomes Cravinho. 23 vjet më parë, pikërisht nga ky vend, këto forca u bënë pjesë e intervenimit të NATO-s, i cili pati për synim mbrojtjen dhe lirinë tonë. Ata u vendosën në anën e duhur të historisë, në anën e të drejtës, në anën e lirisë si një e drejtë universale, në anën e mbrojtjes së një populli të tërë nga shfarosja nga një regjim tiranik.
Në emër të popullit të Kosovës, përzemërsisht faleminderit./InLajmi/
