Ministria e Shëndetësisë, ka njoftuar se situata epidemiologjike po vazhdon të jetë e njejtë në Kosovë, kjo pasi rastet me koronavirus vazhdojnë të jenë në trend të njejtë, përcjell InLajmi.
Sipas njoftimit të tyre thuhet se mesatarja aktuale 7-ditore e rasteve të reja është 15,42 raste/ditë, që është e njejtë me periudhën e mëparshme 7-ditore.
Nga Ministria e Shëndetësisë thonë se mënyra më e mirë për të ndihmuar në parandalimin e koronavirusit, është vaksinimi.
Njoftimi i plotë i Ministrisë së Shëndetësisë:
Rastet e COVID-19 vazhdojnë të jenë në trend të njejtë, dhe teksa përballemi me variantin shumë ngjitës Delta të SARS-COV 2 (Covid-19), situata epidemiologjike në Kosovë mbetet e pasigurtë.
Mesatarja aktuale 7-ditore e rasteve të reja është 15,42 raste/ditë, që është e njejtë me periudhën e mëparshme 7-ditore.
Vaksinimi është mënyra më e mirë për të ndihmuar në parandalimin e COVID-19, veçanërisht formave të rënda të sëmundjes dhe vdekjes.
TË GJITHË duhet të vazhdojmë të zbatojmë masat parandaluese kundër COVID-19 dhe rekomandimet e profesionistëve shëndetësor!/InLajmi/
