Gjykata Supreme ka njoftuar se e ka refuzuar si të pabazuar ankesën e kandidatit për kryetar të Hanit të Elezit, Rufki Suma, në të cilën ai ka kërkuar që të anulohen Zgjedhjet e 17 Tetorit, në Hanin e Elezit, përcjell InLajmi.
“Është refuzuar si e pabazuar pjesa e ankesës së kandidatit për kryetar të Komunës në Han të Elezit, Rufki Suma kandidat i pavarur, me të cilën ka kërkuar që të anulohet Procesi i Votimit për Zgjedhjet Lokale të datës 17.10.2021, vetëm për kryetar Komune, për shkak të minimit të integritetit të zgjedhjeve si rezultat i presionit dhe organizimit me qëllim të përfitimit të mbështetjes së votuesve”, thuhet në vendimin e Gjykatës Supreme./InLajmi/
