Ministri i Bujqësisë, Pylltarisë dhe Zhvillimit Rural, Faton Peci, ka pritur në takim përfaqësuesin e Bankës Botërore për Kosovë dhe Maqedoni të Veriut, Massimiliano Paolucci, përcjell InLajmi.
Në këtë takim u bisedua për avancimin e sektorit të bujqësisë dhe zhvillimit rural në Kosovë.
“Gjatë takimit, Ministri Faton Peci e njoftoi Paolucci për ecurinë e proceseve brenda Ministrisë, për objektivat dhe këndvështrimin e tij karshi hartimit të politikave bujqësore në zhvillim të sektorit. Nga ana tjetër, Paolucci e falënderoi Ministrin Faton Peci për bashkëpunim të ndërsjelltë me Bankën Botërore dhe projektet që kjo e fundit i implementon, duke e siguruar se përkrahja e këtij institucioni nuk do mungojë karshi projekteve me rëndësi të veçantë për avancimin e sektorit të bujqësisë dhe zhvillimit rural në Kosovë.” thuhej në njoftimin për media të Ministrisë.
Gjithashtu ata ranë dakord në mes vete për angazhim të ndërsjelltë në projekte strategjike për bujqësi dhe zhvillim rural.
“Ndërkaq, Ministri Peci dhe Paolucci u dakorduan për angazhimin e ndërsjelltë në projekte strategjike për bujqësi dhe zhvillim rural me qëllim të avancimit të këtij sektori përmes investimeve në sisteme të ujitjes, si dhe mbarëvajtjen e programeve, të cilat prioritet kanë zhvillimin e kapaciteteve të prodhuesve e përpunuesve vendorë.” /InLajmi/
