Eugen Cakolli, nga KDI, ka kritikuar vendimin e KQZ-së për shpalljen e rezultateve në Han të Elezit, përcjell InLajmi.
Ai ka shkruar se KQZ, nuk ka të drejtë të shpall rezultatet, pa u ezauruar afati ligjor për ankesë në Gjykatën Supreme.
‘’Kësisoj, vendimi për shpalljen e rezultateve për kryetar të komunës së Hanit të Elezit, pa u përmbyllur afati 24-orësh për ankimim, përveç se precedent i gabuar, e cenon parimin e sigurisë juridike të kandidatëve’’, tha tutje ai.
Postimi i plotë i tij:
KQZ-ja nuk duhet dhe nuk ka të drejtë t’i shpallë rezultatet përfundimtare në komuna ku ende nuk është ezauruar afati ligjor për ankesë në Gjykatën Supreme – që sipas vendimit të PZAP-së është 24 orë. Kjo, pa paragjykuar se a do të ketë ankesë apo cili mund të jetë epilogu i saj.
Kësisoj, vendimi për shpalljen e rezultateve për kryetar të komunës së Hanit të Elezit, pa u përmbyllur afati 24-orësh për ankimim, përveç se precedent i gabuar, e cenon parimin e sigurisë juridike të kandidatëve./InLajmi/
