Komediani legjendar amerikan dhe satiristi politik, Mort Sahl, ka vdekur në moshën 94-vjeçare. Ai vdiq të martën në Mill Valley të Kalifornisë.
Komentet e tij shpotitëse i dhuruan përkrahës që nga vitet e pesëdhjeta dhe është vlerësuar si frymëzim për komedinë moderne të stilit “Stand-up”
Sahl filloi të performonte në klubet e komedisë nëpër SHBA. Ishte udhëheqës i ceremonisë së ndarjes së shpërblimeve Grammy më 1959, ndërsa në vitin 1960 ishte në ballinën e revistës “Time”.
Komedianit i pëlqente që të tallej me të gjitha palët, duke pyetur shpesh nëpër shfaqje: “A është ndokush këtu që nuk e kam fyer?”, shkruan BBC
Ai tallej edhe me politikanët e grupeve të ndryshme. “Liberalë janë ata njerëz që i bëjnë gjërat e duhura për arsye të gabuara në mënyrë që të ndihen mirë për dhjetë minuta”, thoshte Stahl.
