Policia e Kosovës ka bërë të ditur se janë arrestuar 2 persona në Mendare pasi që të njëjtit dyshohet se kanë vjedhur pako të cigareve në vlerë prej 50.000, përcjell InLajmi.
Lajmi për Gazetën InLajmin e ka konfirmuar Agron Borovci, zëdhënës i Policisë në rajonin e Prishtinës, ku ka thënë se policia që nga fillimi i muajit i ka dhënë përparësi luftës kundër disa vjedhjes.
“Njësitet policore të rajonit të Prishtinës që nga fillimi i këtij muaji, i kanë dhënë përparësi luftës kundër disa shqetësimeve që kohët e fundit ka pasur komuniteti në lidhje me rastet e vjedhjeve ndodhura në zona të ndryshme. Puna policore e organizuar me veprime specifike operative me qëllim kapjen e personave, për të cilët dyshohej të jenë të përfshirë në raste të vjedhjeve dhe vjedhjeve të rënda, sot ka rezultuar me arrestimin e 2 prej të dyshuarve të implikuar në rastet e tilla”, ka thënë Borovci për InLajmi.
Borovci ka bërë të ditur se 2 të arrestuar janë 41 dhe 39 vjeç dhe pas arrestimi janë dërguar në mbajtje për 48 orë.
“B. S. 41 vjeç, mashkull, shtetas i republikës së Kosovës, si dhe, M. SH. 39 vjeç, mashkull, shtetas i republikës së Kosovës, janë arrestuar nga ana e policisë nën dyshimin e arsyeshëm për përfshirje në rastin e vjedhjes së rëndë dhe keqpërdorim të besimit, të ndodhur më 25.10.2021 në Terminalin Doganor në Merdare, me c’rast dyshohet të jenë vjedhur cigare në vlerë rreth 50.000 euro. Të dyshuarit pas arrestimit me rekomandimin e prokurorit të shtetit janë dërguar në mbajtje prej 48 orësh”, ka deklaruar Borovci. /InLajmi/
