Një tërmet me magnitudë 3.5 i shkallës Rihter ka lëkundur Shqipërinë mëngjesin e kësaj të diele.
Mësohet se epiqendra ka qenë në Himarë, ndërsa thellësia e tij është përllogaritur vetëm 2 km.
Fatmirësisht nuk raportohet për dëme materiale dhe persona të lënduar. Kujtojmë se javët e fundit Shqiëria ka regjistruar lëkundje të herëpashershme sizmike, ku më e forta u përllogarit disa ditë më parë në Lezhë, raporton Top Channel.
Tërmeti që ra në orët e mbrëmjes në Lezhë ishte 5.0 i shkallës Rihter dhe frikësoi banorët, të cilët kanë dalë me shpejtësi nga shtëpitë e tyre. Lëkundjet u ndjenë edhe në Tiranë, por fatmirësisht nuk u raportuan dëme materiale, apo persona të lënduar.
