Nesër në Kosovë pritet të mbajë mot i vranët sidomos paradite, kurse pasdite priten intervale kohore me diell. Reshje atmosferike më nuk priten. Kthjellimet do të fillojnë në veri të vendit për tu zgjeruar. Do të fryjnë erëra të ftohta nga veriu.
Në Shqipëri dhe Maqedoninë Veriore nesër pritet të mbajë mot kryesisht i vranët. Në jug dhe juglindje ende mbesin prezente reshje të dobëta lokale shiu. Po ashtu edhe në disa vise në Maqedoni, por në përgjithësi pa reshje. Pasdite vonë nga veriu i Shqipërisë do të ketë tendencë kthjellimesh.
Në Mal të Zi dhe Luginën e Preshevës nesër priten më shumë intervae kohore me diell sidomos pasdite, por mbetet ftohtë, shkruan Meteo Ballkan.
Nga e hëna përmirësim i mëtutjeshëm i motit, por mëngjeset pritet të jenë të ftohta dhe me mundësi për ngrica të dobëta dhe mjegull nëpër disa lugina. Gjatë ditës priten alternime mes vranësirave dhe intervaleve kohore me diell. Temperaturat ditore pritet të shënojnë rritje progresive graduale.
