Policia e Kosovës njofton se janë djegur 2 kamionë në Zubin Potok dhe në Mitrovicën e Veriut, përcjell InLajmi.
Sipas Policisë, persona të pa njohur në Zubin Potok i kanë vënë zjarrin kamionit të ankuesit, i cili ishte i parkuar para shtëpisë.
Në vend të ngjarjes kanë shkuar zjarrfikësit të cilët e kanë shuar zjarrin, ndërsa nga ky zjarr janë dëmtuar edhe 2 vetura që ishin të parkuara afër kamionit.
Tutje policia bënë të ditur se rasti është duke u hetuar.
Gjithashtu edhe në Mitrovicën e Veriut, është raportuar se ankuesi mashkull kosovar ka informuar policinë se persona të pa njohur i kanë vënë zjarrin kamionit dhe veturës së tij.
Edhe ky rast është nën hetime./InLajmi/
