Gara për kontrollin e hapësirës dhe ajo ushtarake, po bëhet gjithnjë e më e fortë, mes vendeve më të fuqishme që kanë shtuar ndjeshëm në vitet e fundit shpenzimet për mbrojtjen apo dhe për teknologjinë e informacionit.
Së fundmi, Franca lëshoi nga baza ajrore e Kourou në Guajanën Franceze, raketën Ariane 5, e pajisur me 2 satelitë, një prej të cilëve i gjeneratës së fundit që mund të përdoret dhe për qëllime ushtarake.
Raketa ishte parashikuar të lëshohej ditën e premte, por nisja e saj u shty për shkak të disa kontrolleve siguri.
Tashmë misioni duket se është përmbushur me sukses dhe satelitët e rinj francezë mbërritën në destinacion vetëm 38 minuta nga nisja e tyre.
