Ish-këshilltari i Hashim Thaçit, Ismail Syla ka vizituar ish-presidentin Thaçin i cili gjendet në Hagë, përcjell InLajmi.
Syla përmes një postimi në Facebook ka treguar se gjatë kësaj vizite është ndejrë shumë mirë, ai ka thënë se ndonëse Thaçi është duke u mbajtë padrejtësisht dhe pa faj në paraburgim, ata së bashku kanë biseduar për të gjitha temat jetësore.
Ai gjithashtu ka thënë se nga Haga është parë një dimension tjetër i lirisë së Kosovës, çmimi i çlirimit të saj dhe bërja e shtetit të Kosovës.
Postimi i plotë i tij:
Sot e vizitova Presidentin Thaçi në Hagë dhe u ndjeva mirë me fuqinë e lartë morale të tij. Ndonëse, mbahet padrejtësisht dhe pa faj në paraburgim, biseduam për të gjitha temat jetësore, përpos burgut. Nga aty shihet edhe një dimension tjetër i lirisë së Kosovës, çmimi i çlirimit të saj dhe bërja e shtetit të Kosovës. Shpreh bindjen dhe sigurinë që Presidenti Thaçi, ashtu siç doli faqebardhë në të gjitha fazat historike të Kosovës, do të del ngadhënjimëtar edhe përballë kësaj sfide! /InLajmi/
