Ka reaguar deputetja e Partisë Demokratike të Kosovës, Blerta Deliu-Kodra, pas deklratës së përfaqësuesit të LVV-së në Komisionin Qendror të Zgjedhjeve, përcjell InLajmi.
Rreth kësaj Deliu-Kodra ka thënë se gjuha e përfaqësuesit të LVV-së është për keqardhje, dhe sipas saj procesi zgjedhor ka shkuar mirë dhe se tentimet për për njollosjen e procesit zgjedhor një javë pas organizmit të tyre, janë shqetësuese.
Postimi i plotë i saj:
Për keqardhje gjuha e përfaqësuesit të Lëvizjes Vetëvendosje në mbledhjen e sotme të KQZ.
Zgjedhjet lokale u vlerësuan si shembullore nga mekanizmat relevante ndërkombëtare dhe vëzhguesit evropian. Tentimet për njollosjen e procesit zgjedhor një javë pas organizmit të tyre, janë shqetësuese.
Mendësia se zgjedhjet janë të rregullta e te mira vetëm kur fiton partia të cilën ti e përfaqëson, është mendësi e rrezikshme dhe totalitare.
Kjo mendësi e njëson partinë me shtetin. /InLajmi/
