4-tër persona kanë vdekur dhe 18 të tjerë janë lënduar nga një stuhi me erëra të fuqishme që e goditi Poloninë të enjten në mbrëmje, thanë autoritetet. Era dëmtoi prona dhe rrëzoi drunj në pjesët perëndimore dhe qendrore të vendit.
Shërbimi i zjarrfikësve raportoi më shumë se 10.000 incidente dhe 930 ndërtesa të dëmtuara, raportoi televizioni TVN24. Rajonet më të prekura ishin rajoni qendror, Lodzkie, dhe ai perëndimor, Lubuskie.
“Stuhia ishte e tmerrshme, e theu shtresën e metaltë dhe e mori nga njëra pjesë e kulmit, e çoi në pjesën tjetër të shtëpisë”, tha Krzysztof Kolczynski, shtëpia e të cilit u dëmtua nga stuhia në pjesën qendrore të Polonisë.
Në qytetin jugperëndimor, Wroclaw, policia tha se 2 njerëz vdiqën, kur një dry ra mbi veturën e tyre, shkruan Reuters.
“Policia në Wroclaw pranoi një raport për një dru që ka rënë mbi një veturë në lëvizje. Fatkeqësisht, u konfirmua në vendin e ngjarjes se 2 personat në veturë u vranë në incident”, tha zyrtari policor, Pawel Noga, transmeton Gazeta Express.
Zyra meteorologjike e Polonisë lëshoi paralajmërime të reja për stuhi për të premten në mbrëmje. Pritet që pjesa veriore e vendit të preket më së shumti nga erërat e fuqishme.
