Bashkëshorti i kineastes së ndjerë që humbi jetën pasi u qëllua aksidentalisht nga aktori Alec Baldëin ka reaguar për herë të parë, përmes një deklarate prekëse në Twitter.
“Halyna na frymëzonte të gjithëve me pasionin dhe vizionin e saj. Pasuria që ka lënë pas është shumë e veçantë për t’u shpjeguar me fjalë. Dhimbja jonë është tmerrësisht e madhe, prandaj i kërkojmë medias të respektojë humbjen dhe hidhërimin e familjes sonë.”– shkruan ai për bashkëshorten e 16-viteve me të cilën ka dhe një djalë.
42-vjeçarja humbi jetën ditën e enjte pasi u godit në krahëror nga arma skenike që do të përdorej gjatë xhirimeve të skenës për filmin “Rust”. Xhirimet e filmit po zhvilloheshin pranë Santa Fe në Neë Mexico. Alec thuhet se e ka marrë armën pas konfirmimit të ndihmës regjisorit, i cili ka qenë i bindur për sigurinë e përdorimit të armës, transmeton Anabel magazine.
Ndër të tjera, bashkëshorti i të ndjerës është shprehur se ka qenë në kontakt me aktorin, i cili është treguar shumë mbështetës ndaj gjithë kësaj tragjedie në të cilën u përfshi aksidentalisht. Përveç saj, u lëndua dhe regjisori i filmit Joel Souza, i cili aktualisht ka lënë spitalin dhe është jashtë rrezikut për jetën.
