Zëvendësministri i Drejtësisë, Blerim Sallahu ka bërë të ditur se në Qendrën Korrektuese në Smerkonicë ka ndodhur një bastisje nga personat përgjegjës nga Drejtori Qendrore, përcjell InLajmi.
Sipas Sallahut janë gjetur 7 telefona, 11 karikues për telefona, 3 USB, 4 kufje, 20 brisqe të vegjël dhe disa gjera të tjera.
Tutje ai ka njoftuar se edhe në Qendrën Korrektuese në Dubrave po në të njëjtën ditë është gjetur një sasi e lëndëve narkotike.
Postimi i plotë i tij:
Me datë 22.10.2021, në QK Smrekonicë gjatë një bastisje nga persona përgjegjës nga Drejtoria Qendrore janë gjetur; 7 telefona, 11 karikues për telefona, 3 USB, 4 kufje, 4 kabllo të adapterave, 1 mbushës baterie telefoni, 20 brisqe të vegjël, 2 kutia me tableta dhe 2 skalpera.
Gjithashtu në të njëjtën ditë në QK Dubravë është gjetur një sasi e lëndëve narkotike.
Kontrabanda do të luftohet pamëshirshëm në qendrat korrektuese, sikurse do të merren masa edhe ndaj atyre që kanë ndihmuar në futjen e këtyre gjësëndeve të palejushme dhe të rrezikshme në QK Smerkonicë dhe Dubravë. /InLajmi/
