Komisioni Qendror i Zgjedhjeve ka mbajtur mbledhjen e radhës , ku është bërë e ditur se 225 vendvotimi do të shkojnë në hetim, raporton InLajmi.
Burim Ahmetaj, shef i sekretariatit të KQZ-së ka thënë në këtë mbledhje se 9.000 pako me fletëvotime nga diaspora janë aprovuar, dhe janë refuzuar mbi një mijë të tjera. Ndërsa nga KQZ-ja kanë thënë se e ka vlerësuar rreth 11.000 të supozuara me vota për zgjedhjet komunale.
Kurse, janë 225 vendvotime që do të hetohen dhe krahasohen me të dhënat e shënuara në vendvotim, dhe sipas Ahmetaj procesi i vlerësimit të këtyre pakove ka përfunduar para tri ditësh.
“Si shifra pas vlerësimit të pakove të supozuara, proces i cili ka filluar me 17 Tetor dhe është përfunduar para 3 ditësh, rezulton se janë 10.934 zarfe me fletëvotime të ardhura përmes postës. Numri i pakove të aprovuara është 9.610, ndërsa numri i pakove të refuzuara është 1.324. Ju informoj se pranimi i votave me postë është bërë në QNR me datën 21 tetor dhe ditëve në vijim do të filloj procesi i numërimit të votave me postë”, ka thënë Ahmetaj.
Ai tutje ka thënë se gjatë ditës së shtunë do të fillojë procesi i verifikimit apo krahasimit të rezultateve të shënuara në formularë me rezultatet e kandidatëve.
“Sot do të fillojë po ashtu procesi i verifikimit apo krahasimit të rezultateve të shënuar në formularë të rezultateve të kandidatëve, përkundrejt rezultateve të shënuara në fletët llogaritëse të kandidatëve. Ky hetim do të bëhet me masën 10% dhe nga barazimet tatale rezulton se janë 255 vendvotime të cilat do të hetohen dhe do të krahasohen me të dhënat që janë shënuar në vendvotim me qëllim që të shohim se sa kanë qenë të sakta rezultatet e shënuara në formularët e rezultateve të kandidatëve”, ka njoftuar ai. /InLajmi/
