Presidentja e Kosovës, Vjosa Osmani ka kundërshtuar ashpër rekomandimet e Komisionit Europian si dhe disa qëndrimeve të zyrtarëve të Bashkimit Evropian lidhur me veprimet e Policisë së Kosovës, përcjell InLajmi.
Në një konferencë për media, Osmani kërkoi nga zyrtarët evropianë që t’i përkrahin aksionet kundër krimit dhe jo t’i kundërshtojnë ato.
Osmani ka kërkuar nga zyrtarët evropianë që sa herë institucionet e Kosovës ta luftojë krimin dhe kontrabandën, të jenë të parat ata që do ta përkrahin Kosovën e jo ta kundështojnë.
“Ne kërkojmë nga të gjithë zyrtarët e BE-së që t’u qëndrojnë besnikë këtyre deklaratave, në mënyrë që sa herë që institucionet ligjzbatuese të Republikës së Kosovës ta luftojnë krimin dhe kontrabandën në çdo cep të vendit tonë, përfshirë në veri, ta kemi përkrahjen, e jo kundërshtimin e tyre”, tha Osmani.
“Qëndrimi im si presidente në lidhje me këtë është tashmë i qartë. Në luftë me krimin dhe korrupsionin nuk ka asnjë kompromis dhe kjo është dëshmuar tashmë”, theksoi presidentja.
Ajo tha se shpresoj që deklaratat e zyrtarëve të BE-së nmë të ardhmen të mos jenë të njëanshme e të pabazuara, depse vetëm do të rrisin tensionet dhe do të pengojnë përpjektet tona për sundim të ligjit.
“Shpresoj që në të ardhmen, zyrtarët e BE-së të mos bëjnë deklarata të njëanshme e të pabazuara, të cilat vetëm sa mund të rrisin tensionet e të pengojnë përpjekjet tona për sundim të ligjit në çdo cep të Kosovës. Mua më vjen mirë që sot ka pasur reflektim. Unë e mirëpres deklaratën e Z.Blinken….”, deklaroi Osmani./InLajmi/
