Deputetja e Kuvendit të Kosovës nga radhët e Lëvizjes Vetëvendosje, Vasfije Krasniqi, ka iniciuar fushatën e saj me kërkesën për drejtësi të viktimave të dhunës seksuale gjatë luftës në Kosovë, përcjell InLajmi.
Një ditë më parë Krasniqi iu shpërndau kolegëve të saj në Kuvend banderolën me mbishkrimin “#rallyforherjustice, menjëherë një ditë më pas këngëtarja kosovare me famë botërore Dua Lipa ka realizuar një foto me po të njëjtën banderolë në dorë.
Dua ka publikuar këtë foto në rrjetin social Instagram me mbishkrimin: “Bashkojuni Vasfije Krasniqit në ‘Së bashku për drejtësinë e saj’ më 28 Tetor në New York. Vasfija është një e mbijetuare dhe aktiviste e të drejtave të njeriut, e cila ka qenë një mision si avokate e të mbijetuarve nga Kosova dhe e gjithë bota duke kërkuar drejtësi për krimet e pandëshkuara gjatë luftës në Kosovë” , duke e mbështetur atë.
E i menjëhershëm ka qenë reagimi i deputetes Krasniqi që e ka ripostuar po këtë foto në Facebook, duke e falënderuar për mbështetjen e dhënë.
“Faleminderit Dua Lipa, të dua”, ka shkruar deputetja e Kuvendit të Kosovës në mbishkrimin e fotografisë./InLajmi/
