Ka ndërruar jetë nga koronavirusi ish-Sekretari amerikan i Shtetit, Colin Powell. Ai ka humbur betejën me virusin e rëndë në moshën 84-vjeçare.
Powell ka qenë sekretari i parë amerikan me ngjyrë dhe ka shërbyer në disa qeveri të republikanëve në SHBA.
Gjatë kryerjes së funksioneve në qeverinë amerikane, Powell shpesh herë ka kontribuuar në marrjen e vendimeve kyçe në politikën e jashtme amerikane. Familjarët kanë njoftuar se Powell ka ndërruar jetë nga komplikimet si pasojë e infektimit me Covid-19.
“Gjenerali Colin L. Powell, ish -sekretari amerikan i Shtetit, vdiq këtë mëngjes për shkak të komplikimeve nga Covid 19″, shkruan familja Powell, në njoftimin e tyre në Facebook, transmeton Gazeta Express.
“Ne kemi humbur burrin, babain, gjyshin dhe një amerikan të mrekullueshëm dhe të dashur”, vijon deklarata e familjes, e cila ka theksuar gjithashtu se Powell ishte i vaksinuar me të dyja dozat kundër koronavirusit.
