Kryetari i Komisionit Qendror të Zgjedhjeve, Kreshnik Radoniqi, ka qenë i pari që ka ushtruar të drejtën e tij për votës në zgjedhjet lokale që po mbahen këtë të dielë, raporton InLajmi.
Radoniqi ka votuar në shkollën fillore “Lidhja e Prizrenit” në Pejë.
Kreu i KQZ-së është edhe personi i parë që voton në këto zgjedhje lokale.
Qytetarët anembanë Kosovës do t`i drejtohen sot kutive të votimit në zgjedhjet lokale.
Të drejtë vote në këto zgjedhje kanë 1.885.448 qytetarë, këta votues të drejtën e tyre mund ta ushtrojnë në 883 qendra të votimit me gjithsej 2.477 vendvotime.
Kurse, numri i personave që do të votojnë për herë të parë në zgjedhjet e sotme është 41.012 votues.
- 697 kanë arritur moshën 18 vjeçare pas 14 Shkurtit kur u mbajtën zgjedhjet parlamentare apo do ta arrijnë këtë moshë deri sot më 17 Tetor në ditën kur po mbahen zgjedhjet lokale.
Po ashtu pjesë e 41.012 votuesve të rinj janë edhe tetë mijë e 937 votues të cilët mund të konsiderohen se janë të regjistruar për herë të parë në regjistrin qendror civil pas zgjedhjeve të fundit parlamentare.
Emrat e 18.252 personave të vdekur janë larguar nga lista votuese e zgjedhjeve lokale e cila do të shpërndahet në vendvotime në ditën e zgjedhjeve më 17 Tetor. /InLajmi/
