Policia e Kosovës ka bërë të ditur se ka ndodhur një aksident trafiku në lagjen Dardania në Prishtinë, përcjell InLajmi.
Zëdhënësia e Policisë në rajonin e Prishtinës, Flora Ahmeti ka bërë të ditur se duke u bazuar në të dhënat e para 3 persona janë lënduar, të cilët janë dërguar për trajtim të nevojshëm mjekësor.
“Sot rreth orës 16:00, në lagjen Dardania, në Prishinë, ka ndodhur një aksident rrugor në mes dy automjeteve në levizje. Bazuar në të dhënat fillestare, si pasojë e aksidentit lëndime trupore kanë pësuar 3 persona. Personat e lënduar janë dërguar për trajtim të nevojshëm mjekësor, ndërkohë që me rastin po merret njësiti i trafikut”, ka deklaruar Ahmeti. /InLajmi/
