Reality-show i njohur me emrin BigBrother është rikthye përsëri në kanalet shqiptare por këtë herë pak më ndryshe se herave të tjera, me personazhe të njohura “VIP”, shkruan InLajmi.
E pjesë e këtij reality-show është bërë edhe këngëtarja kosovare Filloreta Raci e njohur me nofkën e saj si Fifi.
Duket sikur Fifit po i prinë mirë fati, teksa banorët si dhe teleshikuesit kanë vërejtur që po krijohet diçka në mes saj dhe banorit Granit Cana.
Përderisa prezantuesja e këtij emisoni Arbana Osmani po e pyeste në lidhje me këtë çështje, në një moment Fifi u emocionua duke kujtuar familjen e saj.
Ajo tha se kishe parë ëndërr ata, dhe teksa po fliste tregoi se ajo është krah i dajthtë për familjen e saj dhe se ajo i mbanë ata.
“Kisha parë ëndërr një natë përpara dhe mundohesha të kujtoja se çfarë kam, sot në mëngjes më pas më është kujtuar ëndrra që kam parë. Ndërkohë kam edhe një çikë presion prej pjesës që kam 10 ditë pa kontaktuar me të familjes, qysh i kam lënë ata jashtë. Njerëzit që më njohin mua e dinë që unë e mbaj familjen dhe më mungon të folurit me nënën time edhe babain tim. Realisht, po dua të di a janë mirë edhe a kanë nevojë për diçka”, ka thënë Fifi.
Ndërkohë ka qenë prezantuesja e programit, Arbana Osmani, ajo e cila e ka qetësuar Fifin duke i kumtuar lajmin se familja e saj janë mirë dhe familejt e të gjithë banorëve janë mirë.
“Të gjithë janë shumë mirë edhe mos u shqetësoni ju lutem asnjëri për botën jashtë, e di që është shumë e vështirë që të qëndroni brenda pa kontakte. Të gjitha janë shumë mirë, ju duan fort, ju ndjekin gjithë kohës dhe na shkruajnë gjithë kohës”, ka thënë Arbana Osmani./InLajmi/
