Pas 30 ditë fushatë aktive nga partit¡ politike nëpër komuna sot në orën 07:00 të mëngjesit ka nisur heshtja zgjedhore për zgjedhjet lokale, që do të mbahen nesër, përcjell InLajmi.
Kandidatët sipas ligjit në fuqi për zgjedhjet kanë të drejtë fushate 30 ditë.
Komisioni Qendror i Zgjedhjeve ka certifikuar 89 subjekte politike, nga të cilat 32 janë parti politike, një koalicion, 33 iniciativa qytetare dhe 23 kandidatë të pavarur.
Numri i përgjithshëm i kandidatëve të certifikuar për pjesëmarrje në zgjedhjet lokale është 5364 kandidatë, nga ta janë 166 kandidatë për kryetarë të komunave dhe 5198 kandidatë për kuvende komunale.
Të drejtë vote në këto zgjedhje kanë 1.885.448 persona, ku mbi 41 mijë prej tyre do të votojnë për herë të parë. /InLajmi/
