Një zyrtar spitalor ka thënë se numri i të vdekurve nga shpërthimi në një xhami shiite në Afganistanin jugor është rritur në 37, me më shumë se 70 persona të plagosur.
Sulmuesit vetëvrasës sulmuan xhaminë Imam Barga kur qindra besimtarë ishin mbledhur për lutjet e së premtes. Sulmi erdhi një javë pasi një filial i Shtetit Islamik kreu një sulm të ngjashëm në Afganistanin verior që vrau 46 persona.
Murtaza, një dëshmitar okular i cili si shumë afganë mban një emër, tha se katër kamikazë sulmuan xhaminë. Dy shpërthyen ngarkesat e tyre në një portë sigurie, duke i lejuar dy të tjerët të vrapojnë brenda dhe të godasin vendin e besimtarëve.
Videot nga vendi i ngjarjes treguan trupa të shpërndarë nëpër qilima të njollosur me gjak, me të mbijetuarit që ecnin vërdallë me një tronditje ose duke bërtitur me ankth, raporton AP.
Grupi ekstremist, i cili është kundër talibanëve në pushtet, i sheh myslimanët shiitë si apostatë që meritojnë vdekjen, transmeton Klankosova.tv.
Talibanët janë zotuar të mbrojnë pakicën shiite të Afganistanit, e cila pësoi persekutim gjatë periudhës së fundit të sundimit talibanë, në vitet 1990.
