Shërbimi Spitalor, Klinik dhe Universitar i Kosovës ka bërë të ditur se në Klinikën Infektive II, Mjekësia Sportive nuk ka asnjë pavientë të hospitalizuar me koronavirus, përcjell InLajmi.
Nga SHSKUK kanë thënë se 4-ër pacientët e fundit nga kjo njësi, janë transferuar në Klinikën Infektive.
Tutje nga njoftimi i SHSKUK-së u bë e ditur se janë duke u trajtuar 87 pacientë me koronavirus, nga ta 48 me oksigjeno-terapi dhe 4 në mjekim intensiv.
Njoftimi i plotë i SHSKUK-së:
Klinika Infektive II (Mjekësi Sportive), nga dita e sotme nuk ka asnjë pacientë të hospitalizuar me COVID-19. Katër pacientët e fundit që kishte kjo njësi, janë transferuar në kuadër të Klinikës Infektive.
Ndërkaq, në kuadër të Shërbimit Spitalor Klinik dhe Univeristar të Kosovës (ShSKUK), po trajtohen 87 pacientë, prej tyre 48 me oksigjeno-terapi dhe 4 në mjekim intensiv, në gjendje të rënduar shëndetësore.
Numri i pacientëve sipas klinkave COVID-19 dhe spitaleve të përgjithshme
Klinika Infektive, 17 pacientë
Klinika e Pulmologjisë, 26 pacientë post-covid-19
Mjekimi Intensiv në Klinikë Infektive, 4 pacientë
Spitali i Prizrenit, 5 pacientë
Spitali i Gjakovës, 5 pacientë
Spitali i Gjilanit, 7 pacientë
Spitali i Mitrovicës, 8 pacientë
Spitali i Ferizajt, 11 pacientë. /InLajmi/
