Analisti Rrahman Paçarizi ka thënë se LVv-js si partia më e madhe është pritur t’i sfidonte partitë e tjera që e kanë pasur pushtetin në komunat e Kosovës, shkruan InLajmi.
“Lëvizja Vetëvendosje është partia dukshëm më e fuqishme dhe është përmbi 50 përqind dhe i ka ra hise që të hyjë në zgjedhje lokale dhe kjo duket që e ka zënë të papërgatitur, e cila nuk ka performuar si është pritur nga një parti kaq e madhe. Unë kisha mund të mendoj se do të bie diku 3 apo 5 përqind, por po duket se rënia është më e madhe në nivel të Kosovës sepse në të gjitha komunat s’ka zgjedhur kandidatët e duhur. Është pritur nga partia më e madhe që t’i sfidonte partitë tjera që e kanë pasë pushtetin në komunat e Kosovës”,tha Paçarizi.
Ai tha që kryetarët aktualë janë sfiduar seriozisht si ai i Gilanit, i Mitrovicës dhe i Gjakovës, por ata që nuk janë sfiduar seriozisht janë kryetarët aktualë të Pejës, Fushë Kosovës, Lipjanit dhe Ferizajit.
“Nga kryetarët aktualë janë sfiduar seriozisht ai i Gjilanit, i Mitrovicës dhe i Gjakovës. Gjithsesi, gara ka qenë cilësore në shumë komuna, përjashto ato komuna ku s’janë sfiduar seriozisht kryetarët aktualë si ai i Pejës, i Fushë Kosovës, i Lipjanit dhe i Ferizajt sepse s’kanë pasë kandidatë që kanë mundur t’i sfidojnë fuqishëm”,shtoi ai.
Ai poashtu tha që fushata e Prishtinës ka qenë më cilësore dhe ka pasur projekte interesante për votuesit.
“Fushata e Prishtinës ka qenë shumë cilësore dhe ka pasë projekte interesante për votuesit dhe këtë garë cilësore për Prishtinë dhe këtë garë cilësore e ka prishur në njëfarë mënyrë kandidati i Lëvizjes Vetëvendosje, i cili i ka hyrë garës me një vonesë të theksuar dhe pastaj janë bërë veprime në përpjekje për të kompensuar atë kohën e humbur, duke u përfshirë edhe njeriu i Vetëvendosjes që sjell vota, Kurti”,u deklarua Paçarizi. /InLajmi/
