Policia e Kosovës ka njoftuar se në ferizaj një nënë 25 vjeç, ka rrahur mësuesen e vajzën së saj 58 vjeçe, përcjell InLajmi.
Policia ka bërë të ditur se ngjarja ka ndodhur në shkollën e mesme të ulët “Naim Frashëri” në Zaskok të Ferizajt.
Në lidhje me këtë rast policia ka arritur që arrestoi të dyshuaren si dhe pas intervistimit është dërguar në mbajtje për 48 orë, ndërsa e lënduara ka marrë tretman mjekësor.
Njoftimi i plotë nga Policia e Kosovës:
Stacioni policor në Ferizaj nga Drejtoria Rajonale e Policisë në Ferizaj, sot rreth orës 08:05, ka pranuar një informacion se në shkollën e mesme të ulët ‘’Naim Frashëri ‘’ në Zaskok të Ferizajt është një rast i lëndimit trupor.
Në lidhje me këtë, policia ka marr veprimet e duhura dhe menjëherë ka dalë në vendin e ngjarjes dhe ka arrestuar personin e dyshuar me inicialet B.P (F/K) e moshës 35 vjeçare, e cila kishte sulmuar personin tjetër viktimën në këtë rast H.L ( F/K) e moshës 58 vjeçare , mësimdhënëse në këtë shkollë , duke i shkaktuar lëndime trupore dhe kishte marr tretman mjekësor në Qendrën Emergjente në Ferizaj. Deri të ky lëndim trupor kishte ardhur si shkak , se vajza e të dyshuarës , nxënëse në këtë shkollë kishte marr një vërejtje.
E dyshuara , pasi është intervistuar nga policia me vendim të Prokurorit të Prokurorisë Themelore në Ferizaj është dërguar në mbajtje për 48 orë , për procedura të mëtejme hetimore dhe rasti është iniciuar ‘’ Lëndim trupor dhe Vetëgjyqësi’’. /InLajmi/
