Kreu i Partisë Demokratike të Kosovës, Memli Krasniqi ka bëtë yë ditur se ka takuar përfaqësuesin e msionit vëzhgues, përcjell InLajmi.
Krasniqi ka bërë të ditur se ishte së bashku me nënkryetare, Vlora Çitaku, Sekretarin për Çështje të Integrimeve Euro-Atlantike, Bekim Çollaku dhe me Sekretarin për Marrëdhënie me Jashtë, Bernard Nikaj gjatë këtij takimi.
Në këtë takim u bisedua për mbarëvajtjen e procesit zgjedhor dhe rolin e rëndësishëm të eurodeputetëve në vëzhgimin e zgjedhjeve.
Ai gjithashtu ka thënë se gjatë këtij takimi ka përcjellur mesazhin e tij nga PDK-ja, se e vlerësojnë misionin vëzhgues të BE-së.
Postimi i plotë i tij:
Bashkë me Nënkryetaren Vlora Çitaku, Sekretarin për Çështje të Integrimeve Euro-Atlantike, Bekim Çollaku dhe me Sekretarin për Marrëdhënie me Jashtë, Bernard Nikaj, patëm kënaqësinë të mirëpresim sot përfaqësuesit e misionit vëzhgues të Parlamentit Evropian për zgjedhjet lokale të 17 tetorit.
Gjatë takimit, diskutuam për mbarëvajtjen e procesit zgjedhor dhe rolin e rëndësishëm të eurodeputetëve në vëzhgimin e zgjedhjeve.
Në këtë takim, përcolla mesazhin se Partia Demokratike e Kosovës, si lidere e opozitës, e vlerëson misionin vëzhgues të BE-së si vlerë të shtuar të këtij procesi zgjedhor, i cili me gjetjet dhe rekomandimet e nxjerra nga vëzhgimi në zgjedhjet e kaluara, e ka ndihmuar Kosovën që sot të jetë shembulli më i mirë për organizimin e zgjedhjeve në rajon.
Po ashtu, nga deputetët e Parlamentit Evropian, kërkova që në Bruksel të ngrisin çështjen e diskriminimit të shqiptarëve të Luginës Preshevës, veçanërisht për largimin e tyre nga regjistrat civil dhe fshirjen e adresave të vendbanimeve të tyre nga shteti serb. /InLajmi/
