Qeveria e Kosovës ka mabjtur mbledhjen e radhës në të cilën është miratuar koncept-dokumenti për zhvillimin e procesit të vettingut në sistemin e drejtësisë, raporton InLajmi.
Albin Kurti, kryeministër i Kosovës e ka konsideruar këtë ditë të veçantë, derisa ka thënë se po jetësohet vettingu, ku do të tregojë gjendjen aktuale të institucioneve të drejtësisë.
“Nëse ka diçka që na ka munduar kë së shumti këto 20 vite është mungesa e drejtësisë. Shpeshherë nuk është ndarë drejtësi e mirëfilltë. Lirinë e kemi fituar, por tash duhet ta institucionalizojmë përmes drejtësisë, gjyqësor duhet të jetë i pavarur në përmbajtje”.
“Gjyqësor është gardiani më i mirë i çfarëdo tendencë demokratike të vendit. Qeveria jonë është angazhuar në reformimin e sistemit të drejtësisë. Në mënyrë që sistemin prokurorial të veprojë drejtë është e domosdoshme që të ketë njerëz profesional”.
“Është ditë e veçantë se po e bëjmë hapin jetësor për jetësimin e vettingut, ku do ta tregojë gjendjen aktuale brenda institucioneve të drejtësisë”.
Nga an tjetër ministrja e Drejtësisë, Albulena Haxhiu tha se me procesin e vettingut do të kthehet besimi i qytetarëve te institucionet e vendit.
“Një ndër prioritetet është sundimi i ligjit, ky dokument parasheh që procesi i vettingut të nis nga nivelet më të larta”. /InLajmi/
